Ички ишлар органларида хотин-қизлар масалалари бўйича (катта) иснпекторларининг хизмат фаолиятига оид билим ва кўникмаларини ошириш уларанинг касб маҳорати ўсишига хизмат қилади. ИИВ Малака ошириш институтининг Сурхондарё филиалида вилоят ички ишлар органлари хотин-қизлар масалалари бўйича (катта) иснпекторлари учун ташкил этилган қисқа муддатли ўқув курсларидан ҳам айни мақсад кўзланган.
5 кунлик ўқув семинар хизматдан ажралган ҳолда олиб борилмоқда, — дейди ИИВ Сурхондарё академик лицейи директорининг ходимларни малакасини ошириш бўйича ўринбосари, майор Феруз Қличев. — Унда тингловчилар хизмат фаолиятига оид янги билимлардан бохабар бўлиш билан бирга, уларга амалий фаолияти давомида ҳуқуқий ва методик жиҳатдан ёрдам ҳам кўрсатилади. Ўқув машғулотларини ИИВ Малака ошириш институтининг профессор-ўқитувчилари олиб боришмоқда.
Айтиш керакки, мазкур қисқа муддатли ўқув курси давлатимиз раҳбарининг 2020 йил 18 февралдаги “Жамиятда ижтимоий-маънавий муҳитни соғломлаштириш, маҳалла институтини янада қўллаб-қувватлаш ҳамда оила ва хотин-қизлар билан ишлаш тизимини янги даражага олиб чиқиш чора-тадбирлари тўғрисида”ги фармони ҳамда Вазирлар Маҳкамасининг 2020 йил 4 январдаги “Хотин-қизларни тазйиқ ва зўравонликдан ҳимоя қилиш тизимини такомиллаштириш чора-тадбирлари тўғрисида”ги қарори ижроси доирасида ўтказилмоқда.
Курс якунида тингловчилар ўрганган билимлари синовдан ўтказилади ва тест синовларини муваффақиятли топширган тингловчиларга белгиланган намунадаги сертификатлар топширилади.

Сурхондарё вилояти ИИБ Ахборот хизмати